Сайн уу? Улаанбаатар хотын бүсгүйчүүдээ!

Мөн энэ их хотын залуусаа! Амьдрал хэр байна даа? Залуу насныхаа ид шидийг гаргаад явж байна уу? Сэрүү орсон 10-р сарын сүүл, амралтын өдрөөр та бүхэн дуртай газраа суугаад найзуудтайгаа уулзаж байна уу? Real Madrid vs Barcelona тоглолттой, хөлбөмбөгт дуртай бүсгүйчүүд байгаа л биз дээ?
Хаврын нэгэн өглөө сэрэхэд би 20 хүрчихсэн байсан юм. Тэр үед хээрийн галуу нисэн үл хүрэх газар, эрдэмд шамдан суралцаж байлаа. Харин хэдэн жилийн дараа, өөрөөр хэлбэл саяхан, эх орондоо эргэн ирж, Улаанбаатар хотдоо суурьшив. Хэдэн жилийн дотор хот маань танигдахын аргагүй өөрчлөгдөж... Тиймээс би дахин энэ хотыг шинээр нээж, судлах хэрэгтэй болсон юм. Магадгүй над шиг, Улаанбаатар хотыг сайн мэдэхгүй охид их байх...
Энд 3 төрлийн хүмүүс амьдарж байна. 1. Улаанбаатарт төрсөн. 2. Өөр хотоос ирсэн. 3. Гадаадад төрж өсөөд ирсэн. Хэн ч байлаа гэсэн, УБ-аас хайр дурлал, боломжууд, аз жаргал хайж ирсэн нь ойлгомжтой. Олж чадах болов уу?
Юутай ч, УБ-ын маань үдэш намуухан юм аа. Учирсан хосууд нь юу гэж ярьдаг юм бол? Би бас энэ хотын хамгийн сайхан ресторан, хамгийн тохилог кофе шоп, хамгийн сонголт сайтай дэлгүүр, хамгийн алдартай шөнийн клуб, хамгийн царайлаг залуус, хамгийн хөөрхөн охидын талаар их сонирхож байгаа. 

•